Mae dyn o’r Rhondda a ymosododd ar ddyn arall a defnyddio iaith wrth-Semitaidd tuag ato wedi cael ei ddedfrydu yn Llys Ynadon Merthyr Tudful.

Cerddodd Phillip Lawless, 48 oed, heibio dyn a oedd yn mynd â siopa i’w dŷ ar 29 Medi 2025. Clywodd y dyn Lawless yn gwneud sylwadau gwrth-Semitaidd sarhaus tuag ato.

Ychydig yn ddiweddarach, cerddodd Lawless heibio’r dyn am yr eildro ac unwaith eto defnyddiodd gamdriniaeth gwrth-Semitaidd tuag ato. Ar yr achlysur hwn, fe boerodd Lawless yng ngwyneb y dyn. 

Dywedodd Rebecca Foster o Wasanaeth Erlyn y Goron: “Mae troseddau casineb yn cael effaith ddinistriol, nid yn unig ar ddioddefwyr unigol ond hefyd ar y cymunedau ehangach y mae’n eu targedu.

“Does dim lle i wrth-Semitiaeth nac unrhyw fath arall o gasineb yn ein cymdeithas, a bydd Gwasanaeth Erlyn y Goron yn erlyn y troseddau hyn yn ddi-oed, pan fydd y prawf cyfreithiol yn cael ei fodloni.

“Rydym yn gweithio’n agos gyda’r heddlu a’n partneriaid cyfiawnder troseddol i wneud yn siŵr bod troseddwyr yn cael eu dwyn gerbron y llys a bod y llysoedd yn ymwybodol o unrhyw elyniaeth a ddangosir fel rhan o drosedd.”

Cafodd Lawless ei ddedfrydu i 18 wythnos i garchar wedi’i gohirio am flwyddyn, a oedd yn cynnwys cynnydd yn y ddedfryd oherwydd bod y troseddau’n droseddau casineb. Gosodwyd gorchymyn atal hefyd am ddwy flynedd.