Cydgynllun Gweithredu Cenedlaethol Trais Rhywiol rhwng yr Heddlu a Gwasanaeth Erlyn y Goron (CPS) - diweddariad 2022: Atodiad ar gyflawni yn erbyn ymrwymiadau
Cynnwys
- Adran 1 - Cefnogi dioddefwyr
- Adran 2 - ansawdd a chynnydd gwaith achos
- Adran 3 - gallu digidol a datgelu
- Adran 4 - ein pobl ac arbenigedd
- Adran 5 - ymgysylltu â rhanddeiliaid
Introduction
Gwnaethom 32 o ymrwymiadau yn y JNAP. Rydym wedi cwblhau 24 ac mae wyth ar y gweill. Wrth i ni ddatblygu'r Cydgynllun Gweithredu Cenedlaethol diwygiedig hwn, rydym wedi cynnal sesiynau gan ddefnyddio'r model damcaniaeth newid i ystyried lle y gallwn fynd ymhellach, gan adeiladu ar yr hyn yr ydym wedi'i gyflawni hyd yma. Byddwn yn datblygu'r JNAP drwy 20 cam gweithredu (gan gynnwys y camau gweithredu sydd ar y gweill) a amlinellir yn y brif ddogfen strategaeth.
Cefnogi dioddefwyr
Camau gweithredu a gwblhawyd
| Gwella ansawdd ein cyfathrebiadau gyda dioddefwyr i sicrhau eu bod yn amserol ac yn sensitif i’w hanghenion ar bob cam o’r broses cyfiawnder troseddol. | Mae tri llythyr newydd wedi'u datblygu; cyhoeddwyd llythyrau Dim Gweithredu Pellach ym mis Rhagfyr 2021 a dau lythyr pellach (“Helo” ac “Ar y pwynt cyhuddo”) ym mis Mawrth 2022. Maent yn cael eu peilota yn Ymgyrch Soteria mewn ardaloedd braenaru. |
| Gwella ein cyfathrebu a’n cyswllt ag ISVAs a gwasanaethau cyfatebol drwy gydol y broses ymchwilio ac erlyn i sicrhau bod dioddefwyr yn cael y wybodaeth a’r cymorth sydd eu hangen arnynt. | Ar y cyd â’r heddlu, cyhoeddwyd Fframwaith ISVA Cenedlaethol ym mis Mehefin 2021, yn amlinellu set o safonau sy'n ymwneud â gweithio mewn partneriaeth aml-asiantaeth, prosesau effeithiol a chefnogi dioddefwyr er mwyn gwella ein cyfathrebu a'n cyswllt ag ISVAs a darparwyr cymorth. |
| Cymryd camau i godi ymwybyddiaeth o fesurau arbennig sy'n cael eu tanddefnyddio ar hyn o bryd, megis clirio'r oriel gyhoeddus (Adran 25(4)(a) YJCEA 1999). | Ym mis Rhagfyr 2021, cyhoeddodd y CPS a Chyngor Cenedlaethol Penaethiaid yr Heddlu Daflen Wybodaeth Adran 25 ar gyfer ISVAs a’r heddlu ar godi ymwybyddiaeth i glirio’r oriel gyhoeddus. |
| Rhoi gwybodaeth glir i ddioddefwyr am wahanol gamau'r broses cyfiawnder troseddol trwy gynhyrchu cynhyrchion gwybodaeth ar-lein ac all-lein (e.e. 'gwiriad digidol'). | Cyhoeddwyd canllaw newydd i ddioddefwyr trais rhywiol ac ymosodiadau rhywiol difrifol ym mis Hydref 2021. Mae'r gwiriad digidol yn amlinellu'r holl gamau sy'n gysylltiedig â'r broses erlyn. |
| Gwella dealltwriaeth ein staff, yn bennaf trwy ddysgu a datblygu ar y cyd, o effaith niwrolegol trawma i hyrwyddo gwell prosesau gwneud penderfyniadau a gofal dioddefwyr. | Mae'r CPS wedi darparu hyfforddiant ar gymesuredd a datgelu ac wedi lansio cwrs hyfforddi annibynnol ar gyfer pob erlynydd o'r enw “RASSO: effaith trawma”. |
Camau gweithredu sydd ar y gweill
| Review and improve special Adolygu a gwella cyfarfodydd mesurau arbennig mewn achosion RASSO i sicrhau bod dioddefwyr, a'u cymorth, yn gallu cyfarfod ag aelodau allweddol o'r tîm erlyn yn gynnar yn ystod y broses erlyn. Bydd hynny’n galluogi dioddefwyr i gael y wybodaeth sydd ei hangen arnynt i’w helpu i roi eu tystiolaeth orau yn y llys. | Mae'r canllaw ar Gyfarfodydd Mesurau Arbennig (a ailenwyd yn Gyfarfodydd Ymgyfarwyddo i Ddioddefwyr) wedi'i diweddaru. Mae hyn yn cael ei beilota a'i werthuso fel rhan o Ymgyrch Soteria. Bydd y gwaith hwn yn cael ei ddatblygu o dan y cam gweithredu newydd: Peilota, profi a gwerthuso’r defnydd o gyfarfodydd Ymgyfarwyddo i Ddioddefwyr. |
| Gwerthuso’r defnydd o gyfweliadau ABE a arweinir gan seicoleg sy’n cydnabod effaith trawma a chynorthwyo dioddefwyr i ddarparu eu tystiolaeth orau. | Mae hyn yn cael ei wneud yn allanol gan Brosiect Lighthouse - cwblhawyd y cynllun peilot ym mis Mawrth 2022. Mae cyfweliadau wedi'u recordio ar fideo (VRI) a arweinir gan seicoleg wedi dechrau bellach. Mae’r cwnsler wrthi’n cwblhau gwerthusiad gwersi a ddysgwyd o’r VRI a bydd yr adroddiad yn cael ei adolygu i nodi’r camau nesaf a’r dysgu a rennir ar draws y CPS a Phlismona. Bydd y gwaith hwn yn cael ei ddatblygu o dan y cam gweithredu newydd: |
Adran 2 – ansawdd a chynnydd gwaith achos
Camau gweithredu a gwblhawyd
| Lansio a gwreiddio canllawiau newydd ar gyngor ymchwiliol cynnar i sicrhau ein bod yn cyd-adeiladu achosion cryf o’r cychwyn cyntaf. | Ar y cyd â’r heddlu, lansiwyd Memorandwm Cyd-ddealltwriaeth Cyngor Cynnar ym mis Gorffennaf 2021, sy’n nodi’r dull o gael a darparu cyngor cynnar ac yn amlinellu sut y bydd y CPS ac ymchwilwyr yn cydweithio’n agosach o ddechrau achosion trais ac ymosodiad rhywiol difrifol (RASSO) trwy ddefnydd cynyddol o Gyngor Cynnar. |
| Gweithio gyda heddluoedd lleol ac ardaloedd CPS i nodi modelau arfer gorau sy'n hyrwyddo cydweithio agosach yn ystod y broses ymchwilio. Mae hyn yn cynnwys gwerthuso cynlluniau peilot cyngor cynnar sy’n mynd rhagddo yn Ne Ddwyrain Lloegr a Llundain, a'r defnydd cynyddol o Microsoft Teams i hwyluso ymgynghoriadau cyhuddo. | Ar y cyd â’r heddlu, lansiwyd Memorandwm Cyd-ddealltwriaeth Cyngor Cynnar ym mis Gorffennaf 2021, sy’n nodi’r dull o gael a darparu cyngor cynnar ac yn amlinellu sut y bydd y CPS ac ymchwilwyr yn cydweithio’n agosach. Mae’r model Cyngor Cynnar yn hyrwyddo cydweithio agosach yn ystod y broses ymchwilio ac mae modelau Cyngor Cynnar pellach wedi cael eu profi yn Ne Ddwyrain Lloegr trwy Ymgyrch Soteria. Mae'r cam gweithredu ehangach i wella cydweithio wedi'i drosglwyddo i'r gweithgor Datblygu Achosion ar y Cyd. Cafodd y Pecyn Cymorth Cynnydd Achosion ei ddatblygu a’i lansio ym mis Tachwedd 2021, sy’n nodi nifer o offer i helpu i gynorthwyo arferion cyfathrebu’r heddlu / CPS, gan gynnwys defnydd dewisol o Gynadleddau Cynllunio Achos Cynnar a Phaneli Rheoli Achosion. |
| Adeiladu ar gynlluniau gweithredu RASSO lleol presennol, i sicrhau bod gan bob heddlu ac ardal CPS gynlluniau gweithredu lleol wedi'u teilwra i'w hardaloedd lleol ac adroddiad eglurhaol i'r erlyniad yn y llys. | Mae gan bob ardal CPS a heddlu gynlluniau gweithredu RASSO ar waith. Caiff cydymffurfiad ei fonitro bob chwarter trwy ddarparu Adroddiad Sicrwydd Chwarterol RASSO a thrafodaeth mewn Adolygiadau Perfformiad Ardal (APRs). |
| Nodi arfer gorau i sicrhau bod gan bob heddlu ac ardal CPS fecanweithiau monitro ac uwchgyfeirio effeithiol ar waith ar gyfer ymchwiliadau byw. | Datblygodd y gweithgor Cynnydd Achosion ar y Cyd y pecyn cymorth cynnydd achosion a oedd yn cynnwys diweddariad o Gyfarfod Perfformiad y Tîm Erlyn (PTPM) i'r Cyfarfodydd Gwelliant Gweithredol ar y Cyd (JOIMs) a diweddariad o egwyddorion Uwchgyfeirio Cynnydd Achosion ar y Cyd. Mae'r JOIM wedi'i ddatblygu i ddisodli'r PTPM fel y prif gyfarfod gwelliant gweithredol lleol rhwng y CPS a'r heddlu. Rhannwyd y rhain yn genedlaethol ym mis Tachwedd 2021. Roedd canllawiau JOIM yn argymell JOIM penodol i RASSO a gafodd ei gymeradwyo i bob Ardal a Heddluoedd ym mis Chwefror 2022. |
| Sicrhau bod pob heddlu ac Ardal CPS yn cynnal cyfarfodydd rheoli perfformiad ar y cyd effeithiol i ddadansoddi data i nodi a mynd i'r afael â materion lleol sy'n ymwneud ag ymchwilio ac erlyn. | Mae’r Cyfarfod Gwelliant Gweithredol ar y Cyd (JOIM) wedi’i ddatblygu i ddisodli’r Cyfarfod Perfformiad y Tîm Erlyn (PTPM) fel y prif gyfarfod gwelliant gweithredol lleol rhwng y CPS a'r heddlu. Ei ddiben yw nodi meysydd blaenoriaeth ar y cyd ar gyfer gweithgarwch â ffocws i yrru gwelliant mewn datgelu, datblygiad achosion effeithiol a meysydd eraill. Bydd y JOIM yn nodi ac yn rhannu arfer da ac yn addasu i dueddiadau a materion gwaith achos lleol. RASSO JOIMs fydd y fforwm newydd ar gyfer monitro achosion RASSO, yn unol â’r cyfnodau adolygu 28/56/90-diwrnod, a dyma fydd y lle i uwchgyfeirio anatebion. Bydd nodi arfer gorau yn parhau ac yn rhan o waith braenaru Ymgyrch Soteria. |
| Gwella effeithiolrwydd cynlluniau gweithredu, a gwaith dilynol ar y cynllun gweithredu, gyda chyfathrebu da, llinellau amser clir a phwyntiau uwchgyfeirio cadarn. | Datblygodd y Gweithgor Datblygu Achosion ar y Cyd becyn cymorth datblygu achosion a gyflwynwyd ym mis Tachwedd 2021, oedd yn cynnwys offer olrhain cynlluniau gweithredu i Ardaloedd a Heddluoedd eu defnyddio fel rhan o’u fforymau JOIM cytunedig. Mae prosesau'r Cynllun Gweithredu yn parhau i gael eu profi gan yr Ardaloedd Braenaru a bydd yn arwain at gryfhau'r broses ar gyfer dilyn i fyny ac uwchgyfeirio cynlluniau gweithredu. |
| Gwella’n sylweddol y broses o gasglu, rhannu a dadansoddi’r data sydd ar gael ar hyn o bryd i gefnogi gwell dealltwriaeth a monitro o RASSO ar draws y CJS. | Mae offeryn data trais rhywiol traws-System Cyfiawnder Troseddol (CJS) i gasglu, rhannu a dadansoddi offeryn data trais rhywiol unedig o un pen i’r llall wedi’i gwblhau. Sefydlodd y CPS a’r heddlu weithgor RASSO traws-asiantaeth ym mis Awst 2020 i ddatblygu offeryn data trais rhywiol traws-CJS i gasglu, rhannu a dadansoddi data trais rhywiol unedig o un pen i’r llall. Sefydlwyd cytundebau rhannu data ar draws y CJS am y tro cyntaf. Yr offeryn dadansoddeg yw'r cyntaf i alluogi data cysylltiedig wedi'i olrhain ar draws y CJS. Cafwyd cefnogaeth ar draws y CJS a chyda Gweinidogion i’w gyflwyno’n ehangach, gan ddechrau gydag ardaloedd Ymgyrch Soteria. |
| Adolygu prosesau gwneud penderfyniadau'r heddlu a'r CPS yn yr ardaloedd Heddlu a CPS hynny sydd wedi gweld y cynnydd mwyaf yn y gyfradd euogfarn ar ôl herio a sicrhau bod y penderfyniadau a wneir yn gadarn. Casglu ac adrodd yn ôl i staff am unrhyw ddysgu perthnasol. | Mae'r CPS wedi cefnogi'r gwaith o ddatblygu a dylunio cardiau sgorio'r Llywodraeth (Dangosfyrddau Data Cyflenwi) ac mae'n adolygu ac yn lledaenu'r hyn a ddysgwyd yn eu cylch. Roedd holl Ardaloedd CPS wedi'u cynnwys mewn rhaglen wella RASSO genedlaethol a ddefnyddiwyd ar draws y CPS. Roedd hyn yn cyflwyno 'llinell sylfaen' genedlaethol ar draws holl Ardaloedd CPS. Yn ogystal, trwy drefniadau llywodraethiant mewnol newydd i'r CPS, mae'r gwaith hwn yn cael ei ddatblygu drwy is-grŵp Perfformiad a Data sydd newydd ei sefydlu. |
Camau gweithredu sydd ar y gweill
Gwerthuso’r defnydd o gyfweliadau â thystion cyn-treial gyda’r nod o wella prosesau gwneud penderfyniadau erlyniad, hyrwyddo erlyniadau effeithiol a helpu tystion i roi eu tystiolaeth orau yn y llys: - Adroddiad gwerthuso | Bydd y graddau y mae PWTI yn diwallu anghenion dioddefwyr ac yn cefnogi eu cyfranogiad yn y broses cyfiawnder troseddol yn cael ei ystyried wrth ddatblygu cynnig gwell i ddioddefwyr trais rhywio Bydd y gwaith hwn yn cael ei ddatblygu o dan y cam gweithredu newydd canlynol: - Datblygu cynnyrch hyfforddi ar y cyd sy’n adlewyrchu canfyddiadau gwerthusiadau dysgu ac academaidd Ymgyrch Soteria. |
| Lansio a gwerthuso cynllun peilot ar gasglu tystiolaeth o anaf seicolegol. Bydd hyn yn codi ymwybyddiaeth o fodolaeth anaf seicolegol yn gynnar yn yr ymchwiliad er mwyn llywio'r gwaith o adeiladu achosion a gwneud penderfyniadau. | Lansiwyd y cynllun peilot ym mis Mehefin 2021. Mae sawl dioddefwr wedi cytuno i gymryd rhan, ac mae cynnydd achosion yn cael ei fonitro. Mae 10 cwestiwn wedi'u nodi i'w gofyn i swyddogion ac erlynwyr a fydd yn asesu effaith anaf seicolegol. |
| Adolygu'r derminoleg a'r broses a gwblhawyd yn weinyddol i leihau'n sylweddol nifer yr achosion a gwblhawyd yn weinyddol. | Lansiwyd y derminoleg weinyddol derfynol newydd fel 'yn aros am ymateb ar gyfer ymchwiliad pellach' a'i diweddaru yn CMS. Gwnaethpwyd y newid hwn i adlewyrchu nad yw'r rhain yn benderfyniadau cyfreithiol ac efallai nad dyna ddiwedd yr achos. Ystyr 'yn aros am ymateb ar gyfer ymchwiliad pellach' yw bod yr achos wedi'i atgyfeirio at y CPS – am gyngor cynnar neu am benderfyniad cyhuddo, a bod yr achos wedi'i ddychwelyd i'r awdurdod ymchwilio (yr heddlu fel arfer) gan fod angen gwneud rhagor o waith ymchwilio. Gyda mwy o achosion yn dod at y CPS am gyngor cynnar, mae angen dadgyfuno ymhellach i wybod nifer yr achosion PRFI sy'n dilyn atgyfeiriad ar gyfer penderfyniad cyhuddo llawn. Byddwn yn parhau i fonitro'r ffigurau hyn ac yn rhannu arfer da wrth leihau nifer yr achosion PRFI yn genedlaethol. |
Adran 3 – gallu digidol a datgelu
Camau gweithredu a gwblhawyd
| Ar y cyd, darparu dysgu a datblygu penodol ychwanegol ar gyfer RASSO i helpu ymchwilwyr ac erlynwyr i gydbwyso anghenion ymchwiliad â’r hawl i breifatrwydd (yn gysylltiedig â Cham Gweithredu 23 o dan Ein Pobl ac Arbenigedd). | Mae ‘podlediadau' hyfforddi ar Ddyfeisiadau Digidol a Deunydd Trydydd Parti wedi'u lansio. Maent wedi cael eu rhannu ar Knowledge Hub yr heddlu ac ar draws yr holl erlynwyr. Mae'r adnoddau hyn yn orfodol i holl erlynwyr y CPS. |
| Cymryd camau pellach i helpu dioddefwyr i ddeall pam mae tystiolaeth ddigidol a deunydd trydydd parti yn berthnasol i ymchwiliadau a gwaith achos, sut rydym yn penderfynu pa ddata i’w gasglu, sut rydym yn ei gasglu fel rhan o ymchwiliad troseddol ac erlyniad, a sut y gellir ei ddefnyddio (yn gysylltiedig â cham gweithredu 7 o dan Ddioddefwyr Supp). | Cyhoeddodd y CPS ganllaw newydd i ddioddefwyr trais rhywiol ac ymosodiad rhywiol difrifol ym mis Hydref 2021. Mae'r gwiriad yn amlinellu'r holl gamau sy'n gysylltiedig â'r broses erlyn a'r rhesymau pam y caiff ei gasglu. Cyhoeddwyd ymrwymiad i ddioddefwyr trais rhywiol a Datganiad Polisi CPS ar sut rydym yn cyhuddo ac yn erlyn achosion o drais rhywiol. |
Adran 4 – ein pobl ac arbenigedd
Camau gweithredu a gwblhawyd
| Nodi, rhannu ac annog mabwysiadu arfer gorau mewn perthynas ag elfennau timau ymchwilio ac unedau CPS sy'n ymdrin ag achosion RASSO. | Cynhaliwyd dadansoddiad o lwyth gwaith Uned RASSO pob Ardal CPS, gan archwilio sut y cânt eu rheoli a gweithio gyda'u cymheiriaid yn yr heddlu i sicrhau bod pob Ardal yn bodloni'r un safonau uchel. O ganlyniad i’r dadansoddiad hwnnw, nodwyd elfennau o arfer gorau sy’n cefnogi gwelliannau cenedlaethol i sicrhau cysondeb o ran ansawdd gwaith achos a dull gweithredu wrth ymdrin ag achosion RASSO. Mae’r gwaith yn parhau i gael ei brofi trwy Ymgyrch Soteria a thrwy weithgareddau gwelliant RASSO o fewn y CPS. |
| Trefnu cyfarfod bord gron eiriolaeth RASSO i drafod arfer gorau a sicrhau bod arfer da yn cael ei gofnodi a’i adlewyrchu mewn cynhyrchion dysgu a datblygu perthnasol. | Casglwyd mewnwelediadau helaeth trwy holiaduron eiriolaeth RASSO a ddosbarthwyd i tua 800 o aelodau rhestr eiriolwyr allanol RASSO ac eiriolwyr mewnol RASSO yn y CPS. Roedd nifer uchel o ymatebion yn cynnwys adborth sylweddol a ddadansoddwyd ac argymhellion a rannwyd gydag arweinwyr thematig. Cynhaliwyd cyfarfod bord gron gyda rhanddeiliaid cyfreithiol ym mis Awst 2022, a defnyddiwyd yr adborth o’r digwyddiad rhanddeiliaid hwn a’r arolwg eiriolaeth wrth ddatblygu’r diweddariad JNAP 2022 hwn. |
| Peilota model ymchwilio sy’n canolbwyntio ar droseddwyr, gan ddechrau gyda braenaru yn Avon a Gwlad yr Haf gan weithio gyda CPS De Orllewin Lloegr a chynllun peilot sy’n ymestyn i bedwar heddlu ac ardaloedd CPS arall. | Lansiwyd model sy’n canolbwyntio ar droseddwyr ym mis Ionawr 2021, gyda De Orllewin Lloegr fel yr ardal fraenaru. Mae ardaloedd CPS a heddluoedd pellach wedi'u nodi o dan Ymgyrch Soteria at ddiben cyflwyno. Mae Ymgyrch Soteria wedi'i chyflwyno fesul cam mewn naw ardal CPS ac 19 ardal heddlu. |
| Datblygu llwyfan RASSO ar-lein “Knowledge Hub” i'r Heddlu a'r CPS i rannu dysgu, hyfforddiant, fforymau trafod ac arfer gorau. | Mae “Knowledge Hub” yr heddlu yn hygyrch i’r CPS a chydweithwyr ym maes plismona. Cytunwyd y bydd gan y CPS a'r Heddlu hybiau ar wahân oherwydd y logisteg o ddatblygu hyb ar y cyd a fydd yn cael ei ddiweddaru gyda dolenni i alluogi defnyddwyr i gael mynediad at hybiau ei gilydd. |
Camau gweithredu sydd ar y gweill
| Diweddaru Protocol Cenedlaethol ar y cyd yr heddlu a’r CPS ar ymchwilio ac erlyn achosion o drais rhywiol a phrofi a yw’n cyd-fynd â’r canllawiau safonol ffeil perthnasol er mwyn hyrwyddo dull cyson o ymdrin ag ymchwiliadau ac erlyniadau RASSO ledled Cymru a Lloegr. | Mae'r heddlu a’r CPS ar hyn o bryd yn datblygu modelau gweithredu cenedlaethol newydd ar gyfer ymchwilio ac erlyn trais rhywiol yn seiliedig ar arfer gorau sy’n dod i'r amlwg o’r cynlluniau peilot Ymgyrch Soteria. Mae gwaith rhwng y CPS a'r heddlu i ddiweddaru’r protocol ar y cyd yn parhau a bydd yn cael ei gwblhau ar ôl cwblhau'r modelau gweithredu cenedlaethol newydd hyn. |
| Datblygu a darparu dysgu a datblygu ar y cyd RASSO mewn meysydd allweddol, gan gynnwys effaith trawma, gwneud penderfyniadau, y dull gweithredu sy’n canolbwyntio ar droseddwyr, trywyddau ymholi rhesymol, a natur newidiol ymddygiadau a chyfarfyddiadau rhywiol er mwyn hyrwyddo dull cyson a chydweithio effeithiol. | Mae gwaith yn parhau mewn perthynas â datblygu dysgu ar y cyd. Mae dadansoddiad o anghenion dysgu yn cael ei gynnal ar gyfer yr Heddlu a'r CPS er mwyn nodi hyfforddiant cyfredol a nodi unrhyw fylchau. Bydd canfyddiadau o gynllun peilot Ymgyrch Soteria yn bwydo i mewn i ddatblygiad hyfforddiant yn y dyfodol, ochr yn ochr ag ystyriaeth o hyfforddiant lleol a gynhyrchir ar hyn o bryd. Mae'r CPS wedi darparu hyfforddiant ar gymesuredd a datgelu ac wedi lansio cwrs hyfforddi annibynnol ar gyfer pob erlynydd o'r enw “RASSO: effaith trawma”. Mae 'podlediadau' hyfforddi ar Ddyfeisiadau Digidol a Deunydd Trydydd Parti wedi'u lansio. Maent wedi cael eu rhannu ar Knowledge Hub yr heddlu ac ar draws yr holl erlynwyr. |
| Gwella dealltwriaeth a defnydd o dystiolaeth fforensig mewn achosion RASSO, gan gynnwys trwy ddatblygu pecyn cymorth tystiolaeth fforensig a mwy o ymgysylltiad rhwng y tîm erlyn ag archwilwyr meddygol fforensig. | Ar y cyd â'r heddlu, rydym wedi sefydlu grŵp prosiect sy'n cynnwys arbenigwyr ac ymarferwyr rheng flaen. Mae gwaith yn mynd rhagddo ar ddatblygu pecyn cymorth tystiolaeth fforensig sy’n ymdrin â materion yn ymwneud â gwyddoniaeth fforensig a meddygaeth fforensig. Mae'r cynnyrch yn cael ei gwblhau ar hyn o bryd i'w ddosbarthu ymhlith ymarferwyr at ddiben sicrhau ansawdd y cynnwys. |
Adran 5 – ymgysylltu â rhanddeiliaid
Camau gweithredu a gwblhawyd
| Ymgynghori â Gweithgor Trais Rhywiol Cenedlaethol yr heddlu a grŵp ymgynghori allanol y CPS ar adegau allweddol yn y broses ddatblygu. | Cynhaliwyd patrwm rheolaidd o gyfarfodydd chwarterol gyda Gweithgor Trais Rhywiol Cenedlaethol yr Heddlu a Grŵp Ymgynghori Allanol y CPS. Mae eu harbenigedd a'u dirnadaeth wedi llywio meysydd pwysig o waith JNAP a RASSO. |
| Trefnu cynhadledd RASSO cenedlaethol ar y cyd blynyddol i hyrwyddo arfer gorau. | Oherwydd pandemig Covid-19, nid oedd yn bosibl cynnal cynhadledd arferol yn 2021. Fodd bynnag, cynhaliodd yr heddlu a’r CPS gyfres o weminarau cenedlaethol ar y cyd yn ystod haf 2021, gan ddarparu diweddariadau, hyfforddiant a dysgu i ymchwilwyr rheng flaen ac erlynwyr er mwyn cefnogi gwaith RASSO. Roedd yr ystod o weminarau yn cefnogi dysgu parhaus ar gyfer yr heddlu ac erlynwyr, gan gynnwys ar weithio gydag ISVAs, mesurau arbennig ac ansawdd gwaith achos. Cofrestrodd dros 830 o bobl ar y rhaglen gweminar. Cynhaliwyd cynhadledd wyneb yn wyneb ar 15 Mehefin 2022. Mynychodd dros 250 o gynrychiolwyr y digwyddiad, gan gynnwys ein partneriaid o’r trydydd sector. |
| Trefnu cyfarfod bord gron seneddol ar y cyd i lansio'r Cydgynllun Gweithredu. | Cynhaliwyd cyfarfod bord gron seneddol ym mis Gorffennaf 2021 i wella tryloywder a dealltwriaeth o'r Cydgynllun Gweithredu Cenedlaethol. |
| Cynnal cyfarfodydd chwarterol gydag aelodau o Uwch Grŵp Llywio JNAP, gan gynnwys y Comisiynydd Dioddefwyr, y Comisiynydd Cam-drin Domestig a Chomisiynwyr Dioddefwyr Llundain - fel y gall uwch randdeiliaid hysbysu a chraffu ar ein gwaith. | Mae cyfarfodydd deufisol yn cael eu cynnal gyda Grŵp Llywio'r Cydgynllun Gweithredu Cenedlaethol i drafod, cytuno a datblygu gwaith y JNAP. Cynhelir cyfarfodydd rheolaidd gyda'r Comisiynydd Dioddefwyr, Comisiynydd Dioddefwyr Llundain a'r Comisiynydd Cam-drin Domestig i ymgynghori a llywio gwaith sy'n digwydd yn ardal RASSO. |
| Trefnu cyfarfod bord gron o weithwyr cyfreithiol proffesiynol i ddysgu o’u profiadau ac i lywio ein gwaith, yn enwedig ar yr adrannau Gallu Digidol a Datgelu ac Ansawdd a Chynnydd Gwaith Achos. | A legal Professionals roundtable meeting Cynhaliwyd cyfarfod bord gron o weithwyr cyfreithiol proffesiynol i ymgynghori ar y JNAP a chael mewnwelediad o'u profiadau i helpu i lunio'r Cynllun Gweithredu Cenedlaethol ar y Cyd. Cynhaliwyd cyfarfod bord gron gyfreithiol arall wrth ddatblygu'r diweddariad JNAP hwn. |