Dyn wedi'i garcharu am dreisio yn Wrecsam
Mae dyn o Fanceinion wedi cael ei garcharu yn Llys y Goron Caernarfon ar ôl iddo gael ei ddyfarnu'n euog o dreisio menyw yn Wrecsam.
Roedd Gift Oladele, 24, yn ddieithryn i'r fenyw, ond fe wnaeth hi ei chynnal mewn sgwrs tra roedd hi gyda'i ffrind y tu allan i siop cludfwyd (take-away) ar Stryd y Rhaglaw.
Pan gerddodd y ddynes i ffwrdd ar hyd Ffordd yr Wyddgrug, cerddodd Oladele ochr yn ochr â hi a'i llusgo i lwybr troed ynysig lle ymosododd yn rhywiol arni a'i threisio.
Gwadodd Oladele y troseddau ond fe'i gafwyd yn euog gan reithgor.
Dywedodd Olivia Samuel o Wasanaeth Erlyn y Goron: "Fe wnaeth Gift Oladele gyflawni ymosodiad rhywiol erchyll ar y dioddefwr.
“Caniataodd ei chryfder trwy gydol y broses gyfreithiol inni gyflwyno achos cadarn i'r rheithgor, gan arwain at ddyfarniadau euog.
“Mae Gwasanaeth Erlyn y Goron yn cymryd pob honiad o ymosodiadau rhywiol o ddifrif iawn ac mae wedi ymrwymo i ddod â throseddwyr rhywiol i gyfiawnder pryd bynnag y bydd ein prawf cyfreithiol yn cael ei fodloni."
Dedfrydwyd Gift Oladele ar 30 Ebrill 2026 i 17 mlynedd o garchar gyda chyfnod trwydded estynedig o 8 mlynedd.
Gorchmynnwyd iddo gofrestru fel troseddwr rhyw am oes a gosodwyd Gorchymyn Atal Niwed Rhywiol amhenodol hefyd ynghyd â Gorchymyn Atal amhenodol.
Nodiadau i olygyddion
- Mae cyfyngiadau adrodd awtomatig yn berthnasol i'r achos hwn. Gwiriwch gyda Llys y Goron
- Mae Gift Oladele (Dyddiad Geni: 24/11/2001) yn dod o Fanceinion
- Cafwyd ef yn euog o ymosodiad trwy dreiddio a threisio yn dilyn treial
- Digwyddodd y troseddau ar 7 Medi 2025
- Mae Olivia Samuel yn Uwch Erlynydd y Goron yn Uned Trais a Throseddau Rhywiol Difrifol CPS Cymru Wales (RASSO)
- Darllenwch am ein dull wedi'i ddiweddaru o erlyn treisio a throseddau rhywiol difrifol, seiberdroseddau, stelcian a chamdrin domestig yn strategaeth lawn VAWG 2025-2030 y CPS ar ein gwefan: Strategaeth VAWG 2025-2030 Gwasanaeth Erlyn y Goron.