Mae dau ddyn wedi’u cael yn euog yn dilyn digwyddiadau ar wahân o droseddau casineb gwrth-Semitaidd, gydag un yn cael dedfryd ohiriedig o garchar.

Roedd Jack Sweetland, 31 oed, wedi anfon neges at aelod o’r teulu yn ystod dadl, pan gyfeiriodd at bobl yn cael eu llosgi yn yr Holocost.

Plediodd yn euog yn Llys Ynadon Caerdydd a chafodd ei ddedfrydu i 10 wythnos o garchar, wedi’i ohirio am 12 mis. 

Roedd y ddedfryd wedi cynyddu o chwe wythnos o garchar, gan fod y dystiolaeth yn dangos bod hyn wedi’i gymell gan elyniaeth ynghylch gwrthsemitiaeth ac anabledd.

Mewn achos ar wahân, plediodd Jamie Paul Huxley, 34 oed, yn euog yn Llys Ynadon Caer i drosedd trefn gyhoeddus wedi’i waethygu gan grefydd ar ôl digwyddiad yn y Rhyl ar 21 Awst 2025.

Pan gafodd ei arestio, cyfeiriodd Huxley sarhad gwrth-Semitaidd at un heddwas a defnyddio sarhad homoffobig tuag at un arall.

Cafodd Huxley ei remandio yn y ddalfa ar gyfer dedfryd, sydd i fod i ddigwydd ar 22 Mai.

Dywedodd Ryan Colamazza, Uwch Erlynydd y Goron a Chydlynydd Troseddau Casineb yng Ngwasanaeth Erlyn y Goron Cymru: “Mae troseddau casineb yn cael effaith ddinistriol, nid yn unig ar ddioddefwyr unigol ond hefyd ar y cymunedau ehangach y mae’n eu targedu.

“Does dim lle i wrthsemitiaeth nac unrhyw fath arall o gasineb yn ein cymdeithas, a bydd Gwasanaeth Erlyn y Goron yn erlyn y troseddau hyn yn ddi-oed, pan fydd y prawf cyfreithiol yn cael ei fodloni.

“Rydyn ni’n gweithio’n agos gyda’r heddlu a’n partneriaid cyfiawnder troseddol i wneud yn siŵr bod troseddwyr yn cael eu dwyn gerbron y llys a bod y llysoedd yn ymwybodol o unrhyw elyniaeth a ddangosir fel rhan o drosedd.”