Home

The Crown Prosecution Service
Cynllun Busnes 2025-26

Cynllun Cyflawni 2025-26

Blaenoriaeth: Cynyddu gallu ar draws Gwasanaeth Erlyn y Goron

RhaglenPwrpasElfennau allweddol i’w cyflawni
Strategaeth EiriolaethI ehangu ein niferoedd o Eiriolwyr y Goron, er mwyn sicrhau bod pob achos yn Llys y Goron yn cyrraedd y safon uchaf o ran gwneud penderfyniadau, cynnydd a gofalu am ddioddefwyr a thystion, er mwyn sicrhau canlyniadau cyfiawn.
  1. Datblygu dull gweithredu cenedlaethol ar gyfer Eiriolwyr y Goron (30 Mehefin 2025). 
  2. Dull newydd o recriwtio ar gyfer eiriolwyr Lefel 3 a 4 yn cael ei roi ar waith (31 Rhagfyr 2025). 
  3. Ymgyrchoedd ar gyfer bargyfreithwyr sy’n ddisgyblion ac Eiriolwyr y Goron yn cael eu cwblhau (31 Mawrth 2026). 
Gwelliant ParhausI ailgynllunio ein ffyrdd o weithio i gael gwared ar wastraff, gwneud ein prosesau gweithredol yn fwy effeithlon a chreu diwylliant cynaliadwy o welliant parhaus ar gyfer y CPS.
  1. Model Swyddog Paragyfreithiol gwahanol wedi’i dreialu mewn dwy ardal ddaearyddol, a fydd yn sail i’n dull gweithredu yn y dyfodol (30 Medi 2025). 
  2. Gwerthusiad peilot wedi’i gyflwyno i lywio proses Cyngor Cynnar a Phenderfyniad Cyn-Cyhuddo sydd wedi’i hailddylunio (31 Rhagfyr 2025). 
Adolygiad o’r Ganolfan FusnesSefydlu model gweithredu swyddogaeth fusnes newydd i sbarduno effeithlonrwydd, cadernid a datblygiad proffesiynol.
  1. Ar gyfer unrhyw rolau mewn canolfannau busnes nad ydynt wedi’u canoli, bydd disgrifiadau swydd yn cael eu hadolygu i sicrhau eu bod yn gyfredol, yn aros yn unol ag anghenion busnes, ac yn parhau i adlewyrchu’r gwaith sy’n cael ei wneud yn gywir (31 Mai 2025).
  2. Mae cynnig terfynol ar gyfer strwythur swyddogaethau canolfannau busnes, gyda’r nod o sicrhau gwell cysondeb ag anghenion busnes, yn cael ei ddatblygu, i’w gymeradwyo gan y Grŵp Gweithredol (31 Gorffennaf 2025). 
Cynllun Gweithlu StrategolBydd Cynllun Gweithlu Strategol 2030 yn sicrhau bod gan y CPS y bobl, y sgiliau a’r capasiti cywir i ateb y galw yn y dyfodol, gwella effeithlonrwydd gweithredol, a chryfhau cadernid sefydliadol.
  1. Mae Cynllun Gweithlu Strategol 2030 y CPS yn cael ei fireinio a’i gwblhau ar sail canlyniad yr Adolygiad o Wariant, gan sicrhau ei fod yn adlewyrchu unrhyw newidiadau i flaenoriaethau ariannol a gweithredol (31 Gorffennaf 2025). 
  2. Mae’r galw am adnoddau gweithlu yn ystod y flwyddyn ar gyfer Blwyddyn Ariannol 2026 yn cael ei gyflawni yn unol â Chynllun Gweithlu Strategol y CPS (28 Chwefror 2026). 

 

Blaenoriaeth: Gwella ansawdd gwaith achos

RhaglenPwrpasElfennau allweddol i’w cyflawni
Strategaeth AchosionSicrhau bod strategaeth achosion bwrpasol yn cael ei chynhyrchu ar gyfer pob achos, sy’n dangos penderfyniadau cyfreithiol rhagorol a llwybr clir at ganlyniad cyfiawn, gan wella ansawdd ein gwaith achos.
  1. Cynhyrchu deunyddiau dysgu i ymdrin â’r rheolau tystiolaeth a chrefftau llys yn genedlaethol (30 Medi 2025).
  2. Daeth y gwaith o roi egwyddorion y Strategaeth Achosion ar waith yn lleol ar draws holl Ardaloedd y CPS ac Adrannau Gwaith Achos i ben (30 Medi 2025).
  3. Dechreuwyd adolygiad o’n Hasesiadau Ansawdd Annibynnol i sicrhau eu bod yn cyd-fynd â’r arferion gorau yn y Strategaeth Achosion (1 Gorffennaf 2025). 
Treisio a Throseddau Rhywiol Difrifol (RASSO)Rhoi’r arferion gorau sy’n deillio o Ymgyrch Soteria yn ein Hunedau Trais a Throseddau Rhywiol Difrifol arbenigol, i wella ansawdd gwaith achos, gwreiddio dull sy’n canolbwyntio ar yr unigolyn dan amheuaeth, a lleihau oedi.
  1. Cyhoeddi Adroddiad Craffu Blynyddol ar Dreisio (30 Mehefin 2025).
  2. Cyhoeddi canllawiau diwygiedig ar erlyn mewn perthynas â Threisio a Throseddau Rhywiol Difrifol (31 Mawrth 2026).
  3. Rhaglen ddysgu Strategaeth Achosion RASSO wedi’i chwblhau gan holl erlynwyr Uned RASSO (31 Mawrth 2026). 

 

Blaenoriaeth: Lleihau oedi yn y CJS

RhaglenPwrpasElfennau allweddol i’w cyflawni
Bwndeli Digidol i ReithwyrDigideiddio bwndeli i reithwyr ar draws mwy o ganolfannau llys, er mwyn lleihau oedi a gwella effeithlonrwydd.
  1. Mae’r rhaglen beilot o Fwndeli Digidol i Reithwyr ar draws tair canolfan llys - Abertawe; Preston a Croydon - wedi’i chwblhau (31 Rhagfyr 2025).
  2. Datblygwyd y strategaeth genedlaethol ar gyfer cyflwyno Bwndeli Digidol i Reithwyr ar sail adborth a gwerthusiad o’r rhaglen beilot (31 Mawrth 2026). 
Gwybodaeth am reoli yn y dyfodolRhoi galluoedd gwybodaeth reoli newydd ar waith yn y CPS i wella data a dadansoddi, lleihau oedi a gwella effeithlonrwydd.
  1. Mae holl adroddiadau Tîm Adrodd ar Ddata’r CPS wedi eu gwella a’u hawtomeiddio (31 Rhagfyr 2025).
  2. Adeiladwyd Llwyfan Data newydd i gryfhau galluoedd dadansoddi a data mewnol, ar yr un pryd â lleihau dibyniaeth ar gyflenwyr allanol (31 Mawrth 2026). 
Cyfarpar Gwaith Achos yn y DyfodolI arfogi ein pobl â chyfarpar gwaith achos digidol newydd sy’n symleiddio prosesau gweithredol, yn lleihau oedi, ac yn gwella effeithlonrwydd a chynhyrchiant.
  1. Rhoddwyd datrysiad digidol newydd i drefnu, rheoli a chwilio deunydd achosion yn well ar gyfer achosion mawr a chymhleth ar waith (30 Medi 2025).
  2. Rhoddwyd system adolygu well ar gyfer penderfyniadau cyhuddo gan erlynwyr ar waith, a chyflwynwyd y system i CPS Direct ac 14 Ardal y CPS (31 Rhagfyr 2025).
  3. Cynlluniwyd teithiau gwell i ddefnyddwyr ar gyfer gwasanaethau ‘paratoi ar gyfer gwrandawiadau’ (31 Mawrth 2026). 

 

Blaenoriaeth: Cynyddu ymddiriedaeth yng Ngwasanaeth Erlyn y Goron

RhaglenPwrpasElfennau allweddol i’w cyflawni
Strategaeth Trais yn erbyn Menywod a Merched (VAWG)Gweithredu strategaeth newydd sy’n gwella ansawdd gwaith achos VAWG ac sy’n cynyddu ymddiriedaeth yn y CPS.
  1. Cyhoeddwyd Strategaeth VAWG y CPS (30 Medi 2025).
  2. Adolygu a diwygio canllawiau erlyn ar Gam-drin ar sail ‘Anrhydedd’ (30 Medi 2025).
  3. Cyhoeddi Cynllun Gweithredu Stelcio sy’n nodi’r gweithgareddau y bydd yr heddlu a’r CPS yn bwrw ymlaen â nhw er mwyn gwella perfformiad (30 Medi 2025). 
Cydgynllun Cyfiawnder Cam-drin Domestig Gwella ansawdd a nifer yr achosion cam-drin domestig sy’n mynd drwy’r system cyfiawnder troseddol er mwyn sicrhau cyfiawnder gwell i ddioddefwyr a chynyddu ymddiriedaeth yn y CPS.
  1. Datblygu a hyrwyddo canllawiau panel craffu ar achosion lleol i gefnogi heddluoedd ac Ardaloedd i adolygu a gwella’r ffordd y maent yn delio ar y cyd ag achosion Cam-drin Domestig (30 Medi 2025).
  2. Cydgynllun Cyfiawnder Cam-drin Domestig wedi’i roi ar waith ar draws holl Ardaloedd y CPS (31 Rhagfyr 2025).
  3. Adolygu a diwygio protocol ar y cyd rhwng y CPS a Chyngor Cenedlaethol Penaethiaid yr Heddlu ar gyfer achosion sy’n ymwneud â stelcio ac aflonyddu, er mwyn gwella’r broses o ganfod ac erlyn yr achosion hyn (31 Rhagfyr 2025).
  4. Gwerthuso cynlluniau peilot cyhuddo o gam-drin domestig i gefnogi gwelliannau yn ein gwaith gyda’r heddlu i ymchwilio i achosion o gam-drin domestig a’u cyhuddo (31 Mawrth 2026). 
Cynllun Gweithredu ar AnghymesureddEr mwyn cyflawni ein hymrwymiadau yn y Cynllun Gweithredu ar Anghymesuredd, i wreiddio diwylliant gwrth-hiliol a dileu rhagfarn hiliol yn ein penderfyniadau i wella canlyniadau a chynyddu ymddiriedaeth yn y CPS.
  1. Darparu pecyn dysgu i gefnogi’r gwaith o ganfod rhagfarn bosibl mewn gwaith achos a meithrin sgiliau ein herlynwyr (31 Rhagfyr 2025).
  2. Cwblhau ymarfer cwmpasu o’r defnydd o adnoddau digidol i ganfod tueddiadau niweidiol ar draws achosion (31 Mawrth 2026).
Trawsnewid DioddefwyrDarparu gwasanaeth cefnogol i ddioddefwyr, gan sicrhau eu bod yn cael cyfathrebu clir ac empathig pan fydd ei angen arnynt, a gwasanaeth di-dor ar draws partneriaid cyfiawnder troseddol. Y nod yw gwella profiadau dioddefwyr o’r CPS a chynyddu nifer y dioddefwyr sy’n cefnogi erlyniadau.
  1. Penderfynwyd ar ddull gweithredu ar gyfer y cynlluniau peilot ar gyfer Gwasanaethau Cyffredinol a Gwell, sy’n darparu cyfathrebiadau ychwanegol gan y CPS i ddioddefwyr (31 Hydref 2025).
  2. Darparu hyfforddiant ar empathi, technegau cyfathrebu ac ymwybyddiaeth o drawma i’r holl staff cyflawni gweithredol, paragyfreithwyr a rheolwyr sy’n ymgysylltu â dioddefwyr yn Llys y Goron (31 Mawrth 2026).
  3. Cwblhau gwerthusiad annibynnol ar gyfer blwyddyn ariannol 2025-2026, gan fesur effaith y Rhaglen Trawsnewid Dioddefwyr (31 Mawrth 2026). 

 

Loading...