Canlyniadau Achosion y CPS yn ôl prif drosedd

Cyflwyniad

Mae'r adroddiad hwn yn cynnwys dadansoddiad misol o ganlyniadau achosion y CPS yn llysoedd yr ynadon a Llys y Goron. Mae'r canlyniadau wedi eu rhannu'n ddau gategori: euogfarnau a chanlyniadau aflwyddiannus. Mae'r adroddiad yn dangos nifer a chyfran y diffynyddion sy'n cwympo i mewn i bob categori.

Mae euogfarnau'n cynnwys pledion euog, euogfarn wedi achos ac achosion a brofir yn absenoldeb y diffynnydd. Mae canlyniadau aflwyddiannus yn cynrychioli'r holl ganlyniadau hynny heblaw am euogfarn, gan gynnwys atal a thynnu achos yn ôl, traddodebau a ollyngir, achosion a ollyngir a rhyddfarnau, a therfyniadau gweinyddol.

Cofnodir terfyniad gweinyddol lle na all achos fynd yn ei flaen oherwydd bod gwarant i arestio'r diffynnydd heb ei gweithredu, neu lle na all yr heddlu ddod o hyd i'r diffynnydd er mwyn cyflwyno gwys, neu lle bo'r diffynnydd wedi marw neu wedi ei farnu'n anaddas i bledio.

Dangosir canlyniadau ar wahân yn ôl categori'r brif drosedd. Y brif drosedd yw'r drosedd fwyaf difrifol y cyhuddwyd diffynnydd â set o achosion, waeth sut y daw'r drosedd honno i ben. Rhennir troseddau fel a ganlyn: llofruddiaeth, troseddau yn erbyn y person, troseddau rhywiol, bwrgleriaeth, lladrad, dwyn a thrafod, twyll a ffugio, difrod troseddol, troseddau cyffuriau, trefn gyhoeddus, moduro a phob trosedd arall ac eithrio moduro.

Nid yw cofnodion y CPS yn adnabod y brif drosedd i achosion sy'n dod i ben â therfyniad gweinyddol, sy'n cael eu dangos yn yr adroddiad presennol fel categori ar wahân.

Cofnodir canlyniadau'r CPS fesul diffynnydd. Mewn rhai achosion, gellir erlyn nifer o droseddwyr gyda'i gilydd. Gellir cael yr holl ddiffynyddion yn euog; gellir cael yr holl diffynyddion yn ddi-euog; neu gellir cael rhai yn euog a rhai eraill yn ddi-euog. Oherwydd bod achosion yn ymwneud yn aml â nifer o ddiffynyddion sy'n cael eu herlyn gyda'i gilydd, gellir gwyro data sy'n seiliedig ar ddiffynyddion o ganlyniad. Dros amser, bydd yr effaith hwn yn cael ei lyfnhau, ond dylid ystyried y gallai ffigyrau un mis gynrychioli canlyniad ond nifer fechan o wahanol achosion.

Rhaid dros dro yw'r ffigyrau a ddangosir yn yr adroddiad hwn, a gallant fod yn ddarostyngedig i'w hadolygu.

Gellir cyfeirio ymholiadau yn: Enquiries@cps.gsi.gov.ukDylid cyfeirio ymholiadau gan y cyfryngau cenedlaethol at Swyddfa Wasg y CPS ar 020 7796 8127. Gellir cyfeirio ymholiadau'r cyfryngau lleol i Swyddogion Cyfathrebu yn Ardaloedd unigol y CPS.

Pen y dudalen